კოსმეტიკა და მისი ხმარება

მოდით აქ განვიხილოთ კოსმეტიკა.რა მოგვწონს და რა არა,და ერთმანეთს მივცეთ რჩევები,მაკიაჟის შესახებ.! შესაძლებელია მაკიაჯის ლამაზი სურათების ჩასმაც!!!

მაკიაჟი შავგვრემანებისთვის

თუ შენ ხარ:

შავგვრემანი შავი თმით და შავი ან მუქი ნაცრისფერი თვალებით
ტონი, პუდრა, რუჟი
მოყავისფრო ფერები - თამბაქოსფერი, ნამზეურის ფერი, ხაკისფერი

რუჟი მოწითალო-ვარდისფერი, მარჯნისფერი, წითელი.

ჩრდილები, ფანქარი
ნაცრისფერი, ლურჯი, იისფერი; ლურჯი ფერის თვალებისთვის - ვერცხლისფერი, ნაცრისფერი, ცისფერი.

პომადა
დღისით- მუქი ვარდისფერი, ლალისფერი; საღამოს-ჟოლოსფერ-წითელი, მუქი წითელი;

ლურჯი თვალების შემთხვევაში: დღისით- ღია ვარდისფერი, იასამნისფერ-ჟოლოსფერი; საღამოს-გამოდგება ჟოლოსფერი, ლალისფერი.

ტუში
ტუში - შავი, წარბების და წამწამების ფანქარი - შავი.

წაბლისფერი თმით, მუქი კანით, ჭრელი ან მწვანე ფერის თვალებით
ტონი, პუდრა, რუჟი
პუდრი მარწყვისფერი შეფერილობის, ატმისფერი (დღისით), მუქი ნამზეურის ფერი (საღამოს)

ჩრდილები, ფანქარი
მონაცრისფრო-მწვანე, მალაქიტისფერი, ან ბრინჯაოსფერი ჩრდილები; ცისფერი ან ნაცრისფერი თვალებისთვის და ღია ფერის კანისთვის - წამწამებისთვის და ქუთუთოებისთვის შეარჩიეთ ცისფერი ფერი.

პომადა
დღისით-მუქი ვარდისფერი, მარჯნისფერი, ალუბლისფერი; საღამოს-ლალისფერი,ყავისფერი შეფერილობის წითელი;

თუ ღია ფერის კანი გაქვთ, ნაცრისფერი ან ლურჯი ფერის თვალები დღისით გამოიყენეთ მოყავისფრო-ოქროსფერი , მოყავისფრო-ვარდისფერი პომადა. საღამოს იგივე ფერების, მხოლოდ უფრო მუქ ტონებში.

ტუში
ყავისფერი და მოშავო ტონები წარბების და წამწამებისთვის.

შავგვრემანი ღია წაბლისფერი თმით, გარუჯული კანით, მუქი ან მწვანე თვალებით
ტონი, პუდრა, რუჟი
ღია კანისფერი, ღია მოვარდისფრო ფერის.

ჩრდილები, ფანქარი
ნაცრისფერი, ლურჯი, ყავისფერი, თუ ნათელი ან მწვანე ფერის თვალები გაქვთ და ღია ფერის კანი- ჩრდილები ნაცრისფერი, მონაცრისფრო-მომწვანო, მწვანე.

პომადა
დღისით - მარჯნისფერი, ღია ვარდისფერი, საღამოს - ბაცი წითელი, მუქი ვარდისფერი.

ნათელი ან მწვანე ფერის თვალების და ღია ფერი კანის შემთხვევაში - დღის პომადა მარჯნისფერი, ღია ვარდისფერი. საღამოს იგივე ფერები მხოლოდ უფრო მუქი და სავსე.

ტუში
ყავისფერი ტონები წარბების და წამწამებისთვის.

ტაბუ
შავგვრემანებს არ უხდებათ პასტელის, ნათელი ფერის პომადები, ისინი სახეს უსიცოცხლო, ავადმყოფურ იერს აძლევენ.

რეკომენდებული არ არის: მოყვითალო, მოყავისფრო-რძისფერი, ატმისფერი თბილი ტონები. ასევე სუფთა თეთრი, მოლურჯო-შავი, ცისფერი ჩრდილები.

მე ვარ შავგრემანი,ჯიგარი ხარ სიხ!

Lithium-91 დაწერა (26 აგვ. 2008 14:33

) :

მე ვარ შავგრემანი,ჯიგარი ხარ სიხ!

არაფრის,გაიხარე და ჩაითხაპნე,ერთხელ ამის მიხედვით უნდა ჩაგხატო

აღმოსავლური რეცეპტები: სახის ნიღბების ნაირსახეობა
სახის ნიღაბი - სახის მოვლის ერთ-ერთი უძველესი საშუალებაა. ამავე დროს ეს არის თქვენი გარეგნობის მოვლის და კანის პრობლემების აცილების მარტივი და ეფექტური მეთოდი.

ჯერ კიდევ კლეოპატრას დროს, ქალები ძილისწინ ფქვილის, რძის და თაფლის ნარევს ისვამდნენ სახეზე . ყოველდღიურ ცხოვრებაში ეგვიპტელები ჯერ წყლით იბანდნენ ტანს, შემდეგ კი სხვადასხვა სახის ზეთით იზელდნენ სხეულს, რაც იცავდა კანს მზის და სიცხის მავნე ზეგავლენისაგან. უბრალო ხალხი ქაფურის ან ზეითუნის ზეთს იყენებდა, ხოლო დიდებულნი კეთილსურნელოვან ნუშის და ქუნჯუთის ზეთებს ხმარობდნენ, არომატიანი ბალახების და მურის დამატებით.

არსებობს ნიღბების უამრავი ნაირსახეობა. მათ შეიძლება ქონდეთ გამწმენდი, დამატენიანებელი, მკვებავი, მათეთრებელი და სამკურნალო თვისება. ნიღბები აძლიერებენ სისხლის მიმოქცევას კანში, ასწორებენ წვრილ ნაოჭებს, აახალგაზრდავებენ სახის კანს, უფრო ელასტიურს და წმინდას ხდიან მას. ნიღბის დადებისას თვალებზე დაიდეთ ბამბის ტამპონები, წინასწარ ვარდის წყალში, შავი ან მწვანე ჩაის ნაყენში ან ბალახების ნახარშში დასველებული.

გთავაზობთ ნიღბების რამოდენიმე მარტივ რეცეპტს, რომელსაც აღმოსავლელი ქალები სახლის პირობებში აკეთებდნენ. წინასწარ მოგცემთ ერთ პატარა რჩევას: თუ ნიღაბი ძალიან თხელი გამოვიდა, დაუმატეთ მას ცოტა რძის ფხვნილი ან ფქვილი.
ნიღაბი "კლეოპატრა"თქვენ დაგჭირდებათ:
1 სუფრ. კოვზი თაფლი;
1 სუფრ. კოვზი შვრიის ან ხორბლის ფქვილი;
1 ჩაის კოვზი არაჟანი (მშრალი კანისთვის) ან რამოდენიმე წვეთი ლიმონი (ცხიმიანი კანისთვის).

ეს ნიღაბი განაახლებს სახის კანის ფერს, გააუმჯობესებს სისხლის მიმოქცევას და ხელს შეუწყობს კანის გაწმენდას. შეურიეთ თაფლი და ფქვილი ერთმანეთს, კარგად მოურიეთ, რომ არ დარჩეს გუნდები. თუ მშრალი კანი გაქვთ, დაუმატეთ არაჟანი, თუ ცხიმიანი - რამოდენიმე წვეთი ლიმონი. დაიდეთ ნიღაბი სახეზე და ყელზე და დატოვეთ 20-25 წუთის განმავლობაში, შემდეგ მოიშორეთ თბილი წყლით. ეს პროცედურა გაიმეორეთ კვირაში ორჯერ ერთი თვის განმავლობაში. 2-3 თვის შემდეგ გაიმეორეთ კურსი.

თაფლი საუკეთესოდ წმენდს და ასწორებს კანს, აძლევს მას ბრწყინვალებას. ამის გარდა, ის შეიცავს ნივთიერებებს, რომლებიც წინააღმდეგობას უწევენ მავნე ბაქტერიების გამრავლებას და აქვთ სამკურნალო ეფექტი.

დამატენიანებელი ნიღბები სახისთვის:
საზამთროს ნიღაბი
თქვენ დაგჭირდებათ:
1 კვერცხის გული, ცილის გარეშე;
1 სუფრ. კოვზი საზამთროს წვენი.

შეურიეთ კვერცხის გული საზამთროს წვენში. მშრალი და ნორმალური კანისთვის ეს საკმარისია. გაიჩერეთ სახეზე ნიღაბი 10-20 წუთი, შემდეგ ჩამოიბანეთ ცივი წყლით. ცხიმიანი კანისთვის საჭიროა რამოდენიმე წვეთი ლიმონის დამატება.

საზამთრო კარგად ატენიანებს და მატონიზირებლად მოქმედებს კანზე, აღადგენს დამჭკნარი კანის სიმკვრივეს.

ყურძნის ნიღაბი
თქვენ დაგჭირდებათ:
1 კვერცხის გული, ცილის გარეშე (მშრალი კანისთვის) ან 1 კვერცხის ცილა (ცხიმიანი და კომბინირებული კანისთვის);
1 სუფრ. კოვზი ყურძნის წვენი ან რბილობი.

შეურიეთ კვერცხის გული ყურძნის წვენთან ან რბილობთან (მშრალი კანი). ან ოდნავ ათქვიფეთ კვერცხის ცილა და დაუმატეთ ყურძნის წვენი. ნიღაბი დაიდეთ სახეზე 10-20 წუთის განმავლობაში. შემდეგ ჩამოიშორეთ ცივი წყლით.

ნიღბები ყურძნის ნიადაგზე აუმჯობესებენ კანის მდგომარეობას და აძლევენ მას საღ ფერს. ყურძენში ბევრია სასარგებლო ვიტამინი და მიკროელემენტი, ხილის მჟავა კი რომელიც საკმარისად არის მასში, მოაშორებს კანს მკვდარ უჯრედებს, უფრო გლუვს და ნაზს გახდის მას.
კვერცხი ფართოდ გამოიყენება აღმოსავლურ კოსმეტიკაში ნიღბების დასამზადებლად და თმების მოსავლელად. კვერცხის გულს აქვს მკვებავი თვისებები, ხოლო ცილა აშორებს კანს ცხიმს და კრავს ფორებს.

სახის გამაახალგაზრდავებელი ნიღაბი (ცხიმიანი და კომბინირებული კანისთვის)
ვარიანტი N1:
1 სუფრ. კოვზი ახალი საფუარი;
1 სუფრ. კოვზი იოგურტი (ან არაჟანი);
1 ჩაის კოვზი სუფრის სოდა;
1 სუფრ. კოვზი თბილი წყალი.

შეურიეთ ერთმანეთს ინგრედიენტები და დაიდეთ სახის და ყელის გასუფთავებულ კანზე. დააცადეთ 15 წუთი, ნუ დაელოდებით ნიღბის გაშრობას (მის გაშრობას დიდი დრო უნდა). ჩამოიშორეთ თბილი წყლით და დაიდეთ დამატენიანებელი, არაცხიმიანი კრემი ან გელი სახისთვის..

საფუარი არის მდიდარი „ბ“ ვიტამინით და პროტეინით, ის ღრმად წმენდს კანის ფორებს.
სოდა მოქმედებს ანთების საწინააღმდეგოდ.

ვარიანტი N2:
1 სუფრ. კოვზი ქოქოსის კაკლის რძე;
1 ჩაის კოვზი შვრიის ფანტელები ან შვრიის ფქვილი;
1 ჩაის კოვზი თაფლი.

ქოქოსის რძე შეაზავეთ თაფლთან. დაამატეთ დაფქული შვრიის ფანტელები ან ფქვილი და მოურიეთ. ნიღაბი დაიდეთ წინასწარ გაწმენდილ და ორთქლით გახურებულ სახეზე და დაიტოვეთ 15-20 წუთი. შემდეგ ჩამოიბანეთ სახე ჯერ თბილი და შემდეგ ცივი წყლით.

ქოქოსი ხელს უწყობს კანის აღდგენას, მშვენივრად ატენიანებს მას და ხავერდოვანს ხდის. აღმოსავლეთში კოსმეტიკური მიზნებისთვის ასევე ფართოდ იყენებენ ქოქოსის ზეთს, რძეს და ასევე კაკლის გულს. ქოქოსის რძე მატონიზირებლად მოქმედებს და მშვენივრად განაახლებს კანს, კაკლის გული კი კვებავს მას და აღადგენს მის სიმკვრივეს.

სახის გამაახალგაზრდავებელი ნიღაბი (მშრალი და ნორმალური კანისთვის)ვარიანტი N1:
2 სუფრ. კოვზი თაფლი;
½ ჭიქა არაჟანი;
1 ჩაის კოვზი გრეიფრუტის ცედრა.

შეურიეთ ერთმანეთს ინგრედიენტები და დაიდეთ სახის და ყელის გასუფთავებულ კანზე. დაიტოვეთ 15-25 წუთით (თქვენი სურვილის მიხედვით). ნიღაბი ჩამოიშორეთ ერთი ჭიქა ცივი შავი ჩაით.

არაჟანი ან იოგურტი არბილებს და ატენიანებს სახის კანს.
გრეიფრუტი ატონიზირებს და ვიტამინებით კვებავს.

ვარიანტი N2:
2-3 სუფრ. კოვზი ნესვის რბილობი;
1 ჩაის კოვზი თაფლი;
1 სუფრ. კოვზი არაჟანი.

ნესვი გახეხეთ და დაუმატეთ თაფლი და არაჟანი. ნარევი დაიდეთ სახეზე და დატოვეთ 15-20 წუთი, შემდეგ ჩამოიშორეთ ცივი წყლით.

ნესვი კანს არბილებს და ელასტიურობას აძლევს მას.

სახის გამაახალგაზრდავებელი ნიღაბი (მგძნობიარე კანისთვის)ვარიანტი N1:3 სუფრ. კოვზი თაფლი;
ლიმონის წვენის 10 წვეთი (ცხიმიანი კანისთვის) და 1 სუფრ. კოვზი სტაფილოს წვენი ან წვრილ სახეხზე გახეხილი სტაფილო (მშრალი კანისთვის);
1 გაცივებული კიტრი, წვრილ ნაჭრებად, სიგრძეზე დაჭრილი.

ეს აღმოსავლური რეცეპტი განაახლებს კანს და ბრწყინვალებას მისცემს მას. თაფლში შეურიეთ ლიმონის ან სტაფილოს წვენი კანის ტიპის მიხედვით, შემდეგ დაიდეთ სახეზე და შეიზილეთ ხუთი წუთის განმავლობაში. არ ჩამოიბანოთ, ამის მერე სახეზე, ყელზე და ქუთუთოებზე დაიდეთ კიტრის ნაჭრები.დაასვენეთ 15 წუთი.

ვარიანტი N2:
1 სუფრ. კოვზი ქოქოსის რძე;
ნახევარი ავოკადოს რბილობი.

დაჭყლიტეთ ავოკადო და დაუმატეთ ქოქოსის რძე. შემდეგ ეს ნარევი წაისვით სახეზე და ყელზე და დატოვეთ 20 წუთით. ჩამოიშორეთ თბილი წყლით.

ავოკადო მდიდარია ვიტამინებით და ცხიმებით. კარგად კვებავს კანს, არბილებს და ამშვიდებს მას. ავოკადო შეიძლება ატმით ან გარგარით შეცვალოთ.

სახის გამწმენდი და ასაქერცლი ნიღბები:ცხიმიანი და კომბინირებული კანისთვის
თქვენ დაგჭირდებათ:
წითელი ან შავი ყურძნის მტევანი;
½ ჭიქა არაცხიმიანი იოგურტი ან კეფირი.

დაჭყლიტეთ ყურძენი ( ამისთვის ან როდინი ან მიქსერი გამოიყენეთ) და შეურიეთ იოგურტი. დაიდეთ ნიღაბი სახეზე, დააცადეთ 20 წუთი და შემდეგ გაწმინდეთ სახე მწვანე ან შავ ჩაიში დასველებული ტამპონით. ასეთი ნიღაბი აქერცლავს, წმენდს და კრავს ფორებს.

მშრალი და მგრძნობიარე კანისთვის
თქვენ დაგჭირდებათ:
თეთრი ყურძნის მტევანი ან 2 სუფრ. კოვზი პაპაიას რბილობი;
1 ჩაის კოვზი თაფლი.

დაჭეჭყეთ ყურძენი ან პაპაიას რბილობი (ამისთვის ან როდინი ან მიქსერი გამოიყენეთ) და შეურიეთ თაფლს. წაისვით ნარევი სახეზე, დაელოდეთ 20 წუთი და შემდეგ გაიწმინდეთ სახე გაგრილებულ რძეში დასველებული ტამპონით. ასეთი ნიღაბი აქერცლავს, განაახლებს და წმენდს კანს, ასევე ოდნავ ათეთრებს მას.

პაპაია განსაკუთრებულად სასარგებლოა გაუხეშებული კანისთვის, ის არბილებს და წმენდს კანს. მას აქვს ღრმა გამწმენდი ეფექტი და ათავისუფლებს კანს მკვდარი უჯრედებისგან.

დამამშვიდებელი ნიღაბი მგძრნობიარე და გაღიზიანებული კანისთვის
თქვენ დაგჭირდებათ:
ნახევარი მანგოს რბილობი;
1 ჩაის კოვზი ზეითუნის ზეთი;
1 სუფრ. კოვზი კარტოფილის ფქვილი.

შეურიეთ ერთმანეთს ინგრედიენტები და დაიდეთ სახის და ყელის გასუფთავებულ კანზე. გააჩერეთ 15-25 წუთი, შემდეგ ჩამოიშორეთ თბილი წყლით.

მანგოს აქვს ძლიერი ანთების საწინააღმდეგო ეფექტი, მის შემადგენლობაში ბევრი ვიტამინი და მიკროელემენტია.

მათეთრებელი ნიღაბი
თქვენ დაგჭირდებათ:
1 კვერცხის ცილა;
1 ჩაის კოვზი მარილი;
1 სუფრ. კოვზი თიხა (აფთიაქიდან);
2-3 წვეთი ლიმონის წვენი;
რამოდენიმე ფოთოლი პიტნა (ახალი ან გამხმარი).

შეურიეთ ერთმანეთს ინგრედიენტები და დაიდეთ სახეზე. დაელოდეთ სრულ გაშრობას (დაახლ. 15-20 წ.). შემდეგ თბილი წყლით ჩამოიბანეთ.

პიტნა კარგი სტიმულატორია და მატონიზირებლად მოქმედებს კანზე, ასევე აქვს მათეთრებელი ეფექტი.

მასტერ-კლასი
როგორც ცნობილია თვალები სულის სარკეა. ისინი ანიჭებენ სახეს ინდივიდულურობას. სწორად გაკეთებული მაკიაჟი თქვენ სახეს მეტ გამომსახველობას და მომხიბვლელობას მიანიჭებს. მამაკაცების მზერაც თქვენზე იქნება მოპყრობილი. თვალებზე მაკიაჟის გაკეთებისას მთავარი მისი ფორმის გათვალისწინებაა. გთავაზობთ რამდენიმე რჩევას, რათა დამალოთ ნაკლი, ხაზი გაუსვათ ღირსებას და აქცენტი თქვენს თვალებზე გაკეთდეს.
პატარა თვალები

გამოიყენეთ ღია ფერის ჩრდილები, დაიტანეთ ზედა ქუთუთოზე წამწამიდან წარბებამდე;
ნახევრად მუქი ჩრდილი დაიტანეთ ზედა ქუთუთოს ნაკეცზე;
თვალის ფანქარი წაისვით თვალის შიდა ზედაპირზე წამწამების გასწვრივ;
შედარებით ღია ფერის ჩრდილები გამოიყენეთ წარბის რკალის ქვემოთ;
წარბებს მიეცით შესაფერი ფორმა. წარბის წვრილი რკალი ძალიან უხდება პატარა თვალებს, ვიზუალურად ფართოს და გამომსახველს ხდის მას.
ფართოდ ჩასმული თვალები

საშუალო შეფერილობის ჩრდილები დაიტანეთ წამწამებიდან წარბებამდე;
საშუალო ან მუქი შეფერილობის ჩრდილები წაისვით ზედა და ქვედა ქუთუთოს შიდა კუთხეში;
ჩრდილები მთლიანად გაანაწილეთ თვალების გარე კუთხემდე, ეცადეთ ხაზი წამწამების გასწვრივ გადაატაროთ;
ტუში წაისვით წამწამების ცენტალურ ნაწილში, მუქი ფენა ზუსტად შუაში დაიტანეთ;
ღრმად ჩამჯდარი თვალები

გამოიყენეთ მსუბუქი შეფერილობის ჩრდილები და გაანაწილეთ ქუთუთოზე წარბებიდან წამწამებამდე;
საშუალო შეფერილობის ჩრდილები ქუთუთოს ნაკეცს ზევით გადაისვით;
აქცენტი თვალის შიდა კუთხეზე გააკეთეთ;
ფანქარი რაც შეიძლება წვრილად და წამწამებთან ახლოს გადაისვით. თუ თვალები ძალიან ღრმადაა ჩამჯდარი , ფანქარი საერთოდ არ გამოიყენოთ;ტუში თანაბრად გაანაწილეთ წამწამებზე.
ვიწროდ ჩამჯდარი თვალები

გამოიყენეთ ფერთა მსუბუქი გამა და გაანაწილეთ ზედა ქუთუთოს შიდა მხარეზე წამწამებსა და წარბებს შორის;
საშუალო შეფერილობის ჩრდილი გადაისვით ზედა ქუთუთოს გარეთა მხარეს;
ვერტიკალურად გადაისვით ღია ფერის ჩრდილი თვალის შიდა კუთხიდან გარეთას მიმართულებით და თანდათან გაადიდეთ;
აქცენტი თვალის შიდა კუთხეებზე გააკეთეთ;
წაისვით ტუში წამწამებზე, ქვედა მხარეს თვალის მხოლოდ გარეთა კუთხეში.
მრგვალი თვალები

გამოიყენეთ მსუბუქი შეფერილობის ჩრდილები და გაანაწილეთ წამწამებსა და ქუთუთოს შორის;
მუქი ჩრდილი ზედა ქუთუთოს ნაკეცზე გადაისვით;
შედარებით მუქი ფერის ჩრდილი ზედა ქუთუთოზე მხოლოდ წამწამების გასწვრივ წაისვით;
ტუში თვალის გარეთა კუთხეებში უფრო მეტად წაისვით.
შეშუპებული თვალები

აქცენტი თვალი შიდა კუთხეზე გააკეთეთ და ძირითადი ფერის ჩრდილი გადაისვით;
მუქი ფერის ჩრდილით ყველაზე მეტად შესიებული უბანი შენიღბეთ;
ფანქარი მხოლოდ ზედა ქუთუთოზე წამწამების გასწვრივ წაისვით თვალის შიდა კუთხიდან გარეთას მიმართულებით;
ტუში წაისვით ზედა წამწამზე.
დაქანებული ქუთუთოები

მსუბუქი შეფერილობის ჩრდილი ზედა ქუთუთოს შუაში წაისვით;
მუქი ფერის ჩრდილები ქუთუთოს მეტად დაქანებულ ნაწილზე წაისვით;
მაკიაჟის გაკეთებისას აქცენტი წარბების შიდა ზღვარზე გააკეთეთ;
არ გამოიყენოთ ფანქარი, რათა ხაზი არ გაესვას დაქანებულ ქუთუთოებს;
ტუში წაისვით ზედა წამწამზე.
"საწყალი თვალები"

მაკიაჟის გაკეთება ფანქრის წასმით დაიწყეთ. ფანქარი წამწამების გასწვრივ თვალის შიდა კუთხიდან გარეთას მიმართულებით წაისვით;
ფანქარი გუგის დონეზე არ წაისვათ. ქვედა ქუთუთო შემოხაზეთ ზედას პარალელურად;
საშუალო შეფერილობის ჩრდილი წაისვით ზედა ქუთუთოზე,ხოლო მუქი ნაკეცზე;დატუშეთ ფანქრის კონტური, ისე რომ ჩრდილი არ გადაფაროთ;
ტუში წაისვით ზედა წამწამზე.
"ჭკვიანი თვალები"

გამოიყენეთ მხოლოდ საშუალო შეფერილობის ჩრდილები და გადაისვით ზედა ქუთუთოზე;
გამოიყენეთ მხოლოდ თხევადი ჩრდილები;
ფანქარი წაისვით წამწამების გასწვრივ, კონტური გაამუქეთ თვალის გარეთა კუთხეში;
ტუში მსუბუქად გადაისვით ზედა წამწამზე.

რა ტიპის კანი გაქვთ
რა არის საჭირო ქალის სილამაზის შესანარჩუნებლად? მოუაროს ყოველდღიურად თავს და სწორად შეარჩიოს კოსმეტიკური საშუალებები. კოსმეტიკური საშუალებების სწორად შესარჩევად უპირველეს ყოვლისა უნდა გაარკვიოთ რა ტიპის კანი გაქვთ.
ცხიმიანი კანი
ცხიმიან კანს ახასიათებს შემდეგი ნიშნები: ის ძალიან პრიალებს, ადევს რუხი ფერი, აქვს გადიდებული ფორები, ხშირად უჩნდება გამონაყარი.

ცხიმიანი კანის შემთხვევაში თქვენ გჭირდებათ შეამციროთ ცხიმიანობა, გააუმჯობესოთ კანის ფერი, შეკრათ ფორები და განთავისუფლდეთ ფერისმჭამელებისგან. ამის მისაღწევად დღეში ორჯერ უნდა გაიწმინდოთ კანი ანტიბაქტერიული და ცხიმის შემწოვი გელით ან საპნით. როგორც წესი ამ საშუალებების შემადგენლობაში შედის ბენზოლი, სალიცილის და გლიკოლის მჟავეები, რომლებიც ნაზად წმინდავენ კანს.

ყოველი დაბანვის შემდეგ სახის კანი უნდა გაიწმინდოს ტონიკით რომლის შემადგენლობაში შედის რძემჟავა, სალიცილის მჟავა და ალუმინის მარილები. ცხიმიანი კანის მქონე ადამიანებისთვის არ არის რეკომენდებული კოსმეტიკური საშუალებები, რომელთა შემადგენლობაში შედის ამინომჟავები და შარდოვანა, რადგან ისინი ატენიანებენ სახის კანს რაც ხელს უწყობს მის დაცხიმიანებას. კანის გაწმენდის და ტონიკის გამოყენების შემდეგ უნდა გამოიყენოთ სილიკონის შემცველი ლოსიონი რომელიც შეიწოვს ცხიმს და მისცემს კანს ჯანსაღ ფერს.

ასევე დღის განმავლობაში რამოდენიმეჯერ მიიდეთ ქაღალდის ხელსახოცი სახის ცხიმიან ადგილებზე და მსუბუქად მიაწექით, ასე უფრო ეფექტურად მოაშორებთ ცხიმს და მისცემთ კანს სუნთქვის საშუალებას. რეკომენდებული არ არის პუდრის ხმარება, იმიტომ რომ პუდრა ავსებს ფორებს და უშლის ხელს მათ ფუნქციონირებაში.

კვირაში ორჯერ გაიკეთეთ მსუბუქი პილინგი. ამ მიზნისთვის შეგიძლიათ გამოიყენოთ როგორც კოსმეტიკური პრეპარატები, ასევე ნატურალური პროდუქტები: შვრიის ბურბუშელა, სიმინდის ფქვილი, უბრალო თიხა. კვირაში ერთხელ გაიკეთეთ ცხიმისშემწოვი ნიღაბი რომელიც ხელს შეუშლის ფერისმჭამელების გაჩენას. ნიღაბის შემადგენლობაში უნდა შედიოდეს სალიცილის მჟავა და გოგირდი.

მშრალი კანი
მშრალი კანისთვის დამახასიათებელია მკრთალი ფერი, ის იქერცლება, პერიოდულად წითლდება და ღიზიანდება, ტოვებს დაჭიმულობის შეგრძნებას.

თქვენი ამოცანაა შეაჩეროთ აქერცვლა, მოხსნათ გაღიზიანება, გახადოთ კანი რბილი და მისცეთ მას ჯანსაღი შეხედულება. ამისთვის დღეში ორჯერ გაიწმინდეთ სახე გამწმენდი და დამატენიანებელი კრემით, ამით თქვენ მოიშორებთ ჭუჭყს და მაკიაჟს, არ გააღიზიანებთ და არ დააზიანებთ კანს. შემდეგ გაიწმინდეთ კანი დამატენიანებელი ტონიკით, რომელიც დაგეხმარებათ განთავისუფლდეთ კანის აქერცვლისაგან და დაიცავს კანს ზედმეტი გაშრობისაგან. და ბოლოს წაისვით დამატენიანებელი კრემი. არ დაგავიწყდეთ დამატენიანებელი ნიღბები, რაც უფრო დაარბილებს თქვენს კანს.

შერეული ტიპის კანი
შერეული ტიპის კანისთვის დამახასიათებელია ცხიმიანი მონაკვეთები შუბლზე, ნიკაპზე და ცხვირის გარშემო ეგრედწოდებულ T- ზონაში, მშრალი - ლოყებზე და თვალებსქვეშ.

ამ შემთხვევაში საჭიროა შეამციროთ ცხიმიანობა T-ზონაში და დაარბილოთ კანი მშრალ მონაკვეთებზე. დღეში ორჯერ. დილით და საღამოს გაიწმინდეთ კანი რბილად მოქმედი გელით ან საპნით, რომ მოაშოროთ ზედმეტი ცხიმი ცხიმიანი მონაკვეთებიდან და არ გააშროთ კანი მშრალ მონაკვეთებში.

დღეში ერთხელ გაიწმინდეთ სახე შემკრავი ლოსიონით, რომლის შემადგენლობაში არ არი სპირტი და ცხიმი. დღეში ერთხელ ან ორჯერ დაატენიანეთ სახის მშრალი ადგილები მსუბუქი არაცხიმიანი საშუალებით.

აუცილებლად ისარგებლეთ მზისდამცავი კრემებით, რომლებიც სპეციალურად სახის კანისთვის არიან შექმნილნი. კვირაში ერთხელ ჩაიტარეთ პილინგი, რაც გაგიხსნით ფორებს და მოაშორებს კანს მკვდარ უჯრედებს. ამისთვის გამოიყენეთ დამზოგი არაცხიმიანი საშუალება, ამავე დროს ყურადღება უნდა მიაქციოთ T-ზონას, სადაც ჩნდება შავი წერტილები. კვირაში ერთხელ T- ზონისთვის გამოიყენეთ საშუალება რომელიც ღრმად გაასუფთავებს კანს, ამავე დროს მშრალი ადგილები დაამუშავეთ დამატენიანებელი საშუალებით.

თუ მზეზე მალე გეწვებათ კანი, პერიოდულად გაწუხებთ გამონაყარი სახეზე, მაშინ თქვენ გაქვთ ძალიან მგრძნობიარე კანი. ამ შემთხვევაში უნდა გამოიყენოთ კოსმეტიკური პრეპარატები მშრალი და მგრძნობიარე კანისთვის. უმეტეს შემთხვევაში ესეთ პრეპარატებს აწერია „ჰიპოალერგიული“, „უსაფრთხოა მგძნობიარე კანისთვის“.

უნდა გაუფრთხილდეთ თქვენს კანს და ნელ-ნელა შეაჩვიოთ ყოველ ახალ პრეპარატს. დასაწყისში ახალი საშუალება უნდა გამოიყენოთ ორ დღეში ერთხელ. შემდეგ კი თუ არ იწვევს ალერგიულ რეაქციას, შეიძლება ყოველდღიურ ხმარებაზე გადახვიდეთ. წინააღმდეგ შემთხვევაში უარი უნდა თქვათ ახალი საშუალების გამოყენებაზე და დაასვენოთ კანი.

www.mycharm.ru

მოვლა ზამთარში
ზამთარიც გვიახლოვდება... ეს კი იმას ნიშნავს, რომ დროა კანი სათანადოდ მოვამზადოთ სიცივესთან, სუსხთან და ყინვასთან შესახვედრად.

ამისათვის კი მთავარია ვიცოდეთ, თუ რას განიცდის კანი ზამთარში - ის შრება და იფიტება. თუ თქვენი კანი ცხიმიანია, გახდება ნორმალური, ნორმალური კანი გახდება მშრალი, ხოლო მშრალი კანი მეტად მგრძნობიარე.
ზამთარში, განსაკუთრებით სუსხიანი ყინვების დროს, არ შეიძლება ისეთი საცხის ხმარება რომელიც შეიცავს წყალს. ამ დროს წყლის შემცველობის საცხი იყინება და თქვენი სახე მიკროკრისტალური ყინულებით იფარება. ასვე სასურველია თავი ავარიდოთ საპონს, სკრაბს და სპირტის შემცველ ლოსიონებს, ისინი სიმშრალეს იწვევენ, ეს კი ზამთარში გააუარესებს ჩვენი კანის მდგომარეობას.

ზამთრის საცხი აუცილებლად უნდა იყოს ცხიმიანი. რაც უფრო ცივა გარეთ, საცხი მით უფრო ცხიმიანი უნდა იყოს. საცხი გარეთ გასვლამდე საათნახევრით ადრე უნდა დაიტანოთ სახეზე.
ჩრდილოეთ ქვეყნებში, სადაც განსაკუთრებით დიდი ყინვებია, აქვთ სპეციალური „ზამთრის“ კოსმეტიკა, რომელიც სპეციალურად იქმნება ასეთი ქვეყვენისთვის.

სცადეთ Dove, L’Oreal, Lancôme -ს ლოსიონები, დამარბილებელი გელები და საცხები.
ზამთარში კანის დასაბანი საშუალებების შეცვლაც მოგიწევთ. გელი აშრობს კანს, ამისთვის მოძებნეთ რამე საცხის შემცველობის საბანი საშუალება. ყურადღება მიაქციეთ, რომ საცხის შემცველი კანის საბანი საშუალება იყოს ღრმად გამწმენდი და დამარბილებელი, მაგალითად როგორიცაა Dove -ს გელი ან გამწმენდი ლოსიონი გარგარის კურკის ექსტრაქტით.
გამოიყენეთ ისეთი სახის ნიღბები, რომლებიც არა მარტო წმენდენ კანს, არამედ აღადგენენ ტენიანობას.
კარგი იქნება, სცადოთ სახისა და დეკოლტის ლიფტინგ ნიღბების გამოყენება.

არ დაგავიწყდეთ ხელის კანის მოვლა. აუცილებლად დაიტანეთ დამარბილებელი საცხი და იხმარეთ ხელთათმანი.

სიცივე არანაკლებ ცუდად მოქმედებს თმის ხარისხზეც. თავსაბურველები და ქუდები თმას მეტად ცხიმიანს ხდის, მშრალი თმა პირიქით, განიცდის ტენის ნაკლებობას. ამიტომაც ზამთარში მეტად მნიშვნელოვანია თმის სწორი მოვლა.
თუ თმა მშრალია და სუსტი სასურველია შეიმოკლოდ ვარცხნილობა და შეიღებოდ, მანამდე სანამ ყინვები დაიწყება.
აუცილებლად იხმარეთ თავსაბურველი ( ქუდი, ბერეტი, შლაპა და თუნდაც კაშნე), ისინი იცავენ თმას ყინვისგან. ნუ იხმართ მჭიდრო ქუდებს, ისინი ხელს უშლიან ნორმალურ სისხლის მიმოქცევას.
აუცილებლად გამოიყენეთ კონდინციონერი და ბალზამი. კვირაში ერთხელ დაიდეთ თმის ნიღბები და არ გახვიდეთ სიცივეში ნესტიანი თმით.
რაც შეიძლება იშვიათად იხმარეთ თმის საშრობი საშუალებები.

კოსმეტიკა: სინამდვილეში რამდენი გვჭირდება? რაც მეტს გადაიხდით, მით უფრო მეტს ყიდულობთ - ეს წესი ბევრი ნივთის ყიდვისას მოქმედებს, მაგრამ როცა საქმე ეხება დეკორატიულ კოსმეტიკას და კანის მოვლის საშუალებებს, ფასი ყოველთვის არ არის ხარისხის პროპორციული. ბევრი მოდური კოსმეტიკური ბრენდი პროდუქციაზე გაწეული ხარჯების ამოსაღებად, თავიანთ პროდუქციას ცნობილი და დროში გამოცდილი პროდუქციის ფასებს ადებენ, მაშინ როცა ის ხარისხით მათ ვერ შეედრება. სპეციალიზებულ მაღაზიაში სპეციალისტი შეგირჩევთ თქვენთვის შესაფერის საშუალებას, ასევე პროდუქციაზე მითითებულია შემადგენლობა და დაწვრილებითი ინსტრუქცია. ვიზაჟისტის კონსულტაციიდან ყველაზე ღირებული ინფორმაცია კი კოსმეტიკური საშუალებების გამოყენების ტექნიკაა.
გთავაზობთ რამდენიმე მეთოდს, როგორ გადაარჩინოთ საკუთარი ჯიბე დაუოკებელი “კოსმეტიკური” დანახარჯებისგან.
ფუნჯები
ეს ყველაზე გრძელვადიანი “კოსმეტიკური ინვესტიციაა”. კარგი ფუნჯი გამოგადგებათ წლების მანძილზე. კარგი ფუნჯი ნიშნავს საუკეთესოდ წასმას, მაგრამ თქვენ უნდა იცოდეთ მისი გამოყენება. თუ არ შეგიძლიათ ძვირადღირებული ფუნჯების ნაკრების შეძენა, იყიდეთ მხოლოდ აუცილებელი: კონსილერისთვის, ჩრდილების და რუჟისთვის. ფუნჯის შერჩევისას, მწარმოებელი ფირმის დასახელების გარდა, ყურადღება მიაქციეთ მის მასალას, სიხშირეს და სირბილეს.

მინი-მანია
თუ დარწმუნებული არ ხართ, რომ ლაქის ან ჩრდილის ახალი ფერი მოგეწონებათ, იყიდეთ ყველაზე პატარა ფლაკონი. მოწონების შემთხვევაში შეიძინეთ უფრო მოზრდილი.

წვრილმანებიუახლოესი სუპერმარკეტი იდეალური ადგილია ბამბის ჩხირების, ბამბის ბურთულების და სხვა წვრილმანის შესაძენად.

ულტრამოდური შეფერილობა
მაკიაჟისთვის შეარჩიეთ კლასიკური სტილის ფერები, მოერიდეთ სეზონის მკვეთრ ფერებს, რომელთაც მალე უნდა დაემშვიდობოთ. თუ აუცილებლად გინდათ მოდური ფერის მაკიაჟი, შეარჩიეთ შედარებით დაბალფასიანი სუპერმარკეტში ან ეკონომ-კლასის მაღაზიაში.

ფრჩხილის ლაქი
ლაქის შეუსაბამო ფერი ხელზე, შეიძლება ფეხებზე მშვენივრად გამოჩნდეს. პედიკური გვიან გადადის, ხარისხიანი ლაქი დიდხანს დარჩება თქვენ ფეხებზე. თუ ბევრი ძვირადღირებული ლაქის ყიდვა არ შეგიძლიათ, შეარჩიეთ ერთი იდეალური შეფერილობის, დამფარავი ლაქი კი სხვადასხვა შეფერილობის, შედარებით იაფიანი შეიძინეთ.

ცოტაოდენი ჩრდილი
ჩრდილების მრავალფეროვნების მიუხედავად, შეარჩიეთ რამდენიმე ძირითადი ფერი, რომელიც შეეფერება თქვენ თვალებს და სახის კანს. შეარჩიეთ დუეტი - ღია შეფერილობის ჩრდილი ქუთუთოებისთვის და მუქი ფერი აქცენტებისთვის.

რუჟი
რუჟი დიდი რაოდენობით არავის სჭირდება, ამიტომ შეარჩიეთ ისეთი შეფუთვა, რომელსაც ჩრდილისთვისაც გამოყენებთ. რუჟის ფერი უნდა იყოს ნატურალური და შეეფერებოდეს კანის ფერს. ზამთარში - უფრო ღია ფერის, ზაფხულში - უფრო მუქი.

ტუში
შედარებით იაფფასიანი ტუშის ღირსებაა, რომ 3 თვის შემდეგ დაუნანებლად შეძლებთ მის გადაგდებას. თანაც ამ დროის შემდეგ ტუშის გადაგდება ფასის მიუხედავად მაინც მოგიწევთ, რადგან მასზე ბაქტერიები ჩნდება.

ფანქარი
შეარჩიეთ შესაფერისი ფერის. შერჩევისას გამოიყენეთ ერთჯერადი აპლიკატორები და წაისვით ხელისგულზე.

პომადა
ნეიტრალური ფერის (კანისფერი, ღია-ვარდისფერი, ან ყავისფერი) პომადის შეძენა შეგიძლიათ შერჩევის გარეშეც. უფრო მუქი ან კაშკაშა ფერის პომადის შეძენას ნუ გარისკავთ. თუ შერჩეული ფერი არ მოგწონთ, შეურიეთ ნეიტრალურ ფერს ან ტუჩის უფერო საცხს.

ცხვირის შეპუდვრა
მაკიაჟის საფუძველი ხარისხიანი შეიძინეთ. შესაფერი ტონის მოძებნა და სახის საუკეთესოდ წარმოჩენა - მნიშვნელოვანი გამარჯვებაა. შეძენის წინ გაიარეთ კონსულტაცია ვიზაჟისტთან და წინასწარ გასინჯეთ შერჩეული პროდუქტი.

მაკიაჟის 10 უნივერსალური ეშმაკობა
გაბედულად შეიძლება იმის მტკიცება, რომ შესაძლოა “მთელი ცხოვრება” იყენებდე დეკორატიულ კოსმეტიკას, მაგრამ ბოლომდე არ იცოდე მისი შესაძლებლობები. გთავაზობთ ცნობილი ვიზაჟისტების რჩევებს:

1. პირველი რჩევა ეხება თვალის მაკიაჟს. თუ ხელთ არ გაქვთ მოცულობის მიმცემი ტუში, გამოიყენეთ ჩვეულებრივი ფხვიერი პუდრი. პუდრი მიიფრქვიეთ წამწამებზე, შემდეგ წაისვით ტუში-წამწამები უფრო ხშირი და ფუმფულა გამოჩნდება. გამოხედვა უფრო გამჭოლი და მბრწყინავი რომ გახდეს, გამოიყენეთ თეთრი სადაფისფერი ჩრდილი, რომელსაც წაისმევთ თვალის შიდა კუთხეში, ზედა და ქვედა ქუთუთოზე ასო V-ს ფორმით.

2. საღამოს შეხვედრის წინ თუ გინდათ სწრაფად შეასწოროთ მაკიაჟი, გამოიყენეთ ქაღალდის სველი ხელსახოცი. დაისველეთ სახე, მოიშორეთ დღის განმავლობაში დაგროვებული მტვერი. ამის შემდეგ მსუბუქად გადაისვით პუდრი. წამწამებზე ტუშს ნუღარ წაისმევთ, რადგან საღამოს ტუში ჩამოცვენას დაიწყებს.

3. საქმიანი ქალის დღის მაკიაჟი ენერგიული უნდა იყოს. ამის მიღწევა შესაძლებელია პომადის დახმარებით. ოფისში რეკომენდებულია მქრქალი პომადა კაშკაშა ფერის, სტაფილოსფერიდან ქლიავისფერამდე. ის კარგად შეესაბამება საქმიან კოსტუმს და ბიზნეს-ლედის ქალურ იერსახეს აძლევს. საღამოს ღონისძიების წინ პომადაზე შეიძლება პრიალა საცხის წასმა, რათა ნაკლებ ფორმალური იერი მიიღოთ.

4. მაკიაჟმა დიდხანს რომ შეინარჩუნოს სახე, წაისვით ტონალური კრემი უშუალოდ გაწმენდილ კანზე, არ გამოიყენოთ მაკიაჟის საფუძველი. შემდეგ გადაისვით პუდრი და წაისვით რუჟი. აიღეთ 3 კუბიკი ყინული და ენერგიული, წრიული მოძრაობებით წაისვით სახეზე. არ შეგეშინდეთ მაკიაჟის გათხაპნის - თითოეული კუბიკი გამოიყენეთ, სანამ დნობას დაიწყებს.

5. მოშვებულ, დაღლილ კანს შემატეთ სიხალისე მაკიაჟის წასმამდე. რისთვისაც ლიმონის წვენი აურიეთ წყალში ( წვენი წყალზე ნაკლები უნდა იყოს) და წაისვით სახეზე. მიღებული ეფექტი უტოლდება ძვირადღირებული ლიფტინგ-საშუალებების მოქმედებას. თვალები რომ ბრწყინავდეს, თვალის კუთხეში დასვით პაწაწინა, წითელი წერტილი, ამისთვის დაგჭირდებათ ფუნჯი და პომადა

6. დეკორატიული კოსმეტიკა ხშირად არამდგრადია, რის გამოც ნებისმიერი, “პროფესიული” მაკიაჟიც შეიძლება გაითხაპნოს. რეკომენდებულია ცვილზე და სილიკონზე დამზადებული სპეციალური კოსმეტიკის გამოყენება, რომელიც დიდხანს შეინარჩუნებს სახეს

7. მაკიაჟის მდგრადობის გასაზრდელად ქუთუთოებზე ჯერ ტონალური კრემი და პუდრი წაისვით, შემდეგ თვალის კონტური შემოხაზეთ. შეგიძლიათ პუდრი ფანქრის ხაზსაც გადაუსვათ ან იმავე ფერის ჩრდილი წაისვათ. ტუჩებზე წაისვით ტონალური კრემის ან პუდრის თხელი ფენა, შემდეგ შემოხაზეთ კონტური ფანქრით და წაისვით პომადა ფუნჯით

8. არ დაივიწყოთ მარტივი წესები: ტონალური კრემი თხელ ფენად გადაისვით მთელ სახეზე ქუთუთოების, შუბლის და ყელის მესამედის ჩათვლით. თუ სპეციალური კონსილერი არ გაქვთ, ტონალური კრემი ფუნჯით აკურატულად წაისვით მუქ უპეებზე და თითების ბალიშების შეხებით ზევიდან ქვევით გაანაწილეთ. ტონალურ კრემს აფიქსირებენ ფხვიერი პუდრით, რომელიც საბოლოოდ ათანაბრებს ფერს და ფარავს ფორებს და რელიეფურ გამოზნექილობებს. ტონალური კრემი თანაბრად რომ განაწილდეს და ნაკლებად შესამჩნევი იყოს კანზე, შეგიძლიათ შეურიოთ დამატენიანებელ კრემში 3: 2 თანაფარდობით.

9. ღაწვებზე მიიფრქვიეთ ნამზეური ფერის პუდრი და გადაისვით რუჟი. სპილოსძვლისფერი, ღია ჩრდილები გადაისვით სწორად ცხვირის ზედაპირზე ვიწრო ზოლად, ამასთან თუ ცხვირის ვიზუალურად დაპატარავება გსურთ, ეს ხაზი ცხვირის წვეროდან 1 სმ-ით დაშორებული უნდა იყოს. ოდნავ შეახეთ რუჟი ცხვირის წვერს, ყურის ბიბილოს და ნიკაპს. მთავარია, არცერთი წამით არ დაეჭვდეთ საკუთარ განუმეორებლობაში.

10. გააკეთეთ აქცენტი სახის სამ მკაცრად განსაზღვრულ წერტილზე. I წერტილი - წარბქვეშ მიდამოს შიდა მხარე. წაისვით რუჟი წარბის გასწვრივ, II-ღაწვი და ღაწვქვეშა სივრცე-ოდნავ შეახეთ რუჟი. და ბოლოს ზედა ტუჩი დაიხატეთ წარბის ხაზის პარალელურად. აღნიშნული წერტილები წარმოქმნის რომბს, სახე ვიზუალურად გადატკეცილია, უფრო ახალგაზრდულად და ნათლად გამოიყურება
ამ ტექნიკის დაუფლებით ნებისმიერ ქალს შეუძლია უფრო ლამაზად გამოიყურებოდეს მხოლოდ პომადის და რუჟის დახმარებით.